"Igelak" filmean Miren Gaztañaga eta Gorka Otxoa dira protagonistak. Horien ondoan, aktore ezagun asko ageri da traman: Itziar Ituño, Itziar Atienza, Gurutze Beitia, Elena Irureta, Ramon Agirre eta Mikel Losada, besteak beste. Filma iazko abenduaren 2an estreinatu zen.
Sinopsia
Pello, banku sukurtsal bateko zuzendaria, delitu ekonomikoengatik atxilotu dute. Bere nagusiak ere inplikatuta dauden arren, bakarrik utziko dute Justiziaren aurrean. Salduta dagoela konturatzean, ihes egitea erabakiko du.
Dirurik eta dokumentazio barik, familia eta lagunik gabe, Pellok bere identitatea ordezkatuko du, ezkutuan segitu ahal izateko.
Iragan faltsu horregaz eta patuaren kapritxo bategatik, erreza egingo zaio Pellori etxetik kaleratutakoen elkarte batek okupaturiko etxe batean babesa topatzea. Bere kide berrien konfiantza bereganatuko du, asmo bakar bategaz: haien diruaz jabetu eta atzerrira alde egitea.