2016-01-13 18:21

Proposamenak eskuan, bagoaz aurrera!

Erabiltzailearen aurpegia Algortako gazteak

Abenduaren 27an egindako asanbladan aurrerapauso handia eman genuen. Proiektuaren filosofia, izaera eta helburuak behin definituta, forma ematen hasi ginen. Antolakuntza ereduaren inguruan jardun genuen, komunikazio bide ahalik eta eraginkorrenak zelan bermatu ibili ginen eztabaidan, proiektuan parte hartuko dugunon zaintzari tarte nabaria eman genion, eta lokal fisiko baten beharra aztertu genuen. Ez da gutxi! Hala ere, ez genuen ezer zehaztutzat eman. Asanblada horretatik ateratako ideiak hartuta, hainbat lantalde osatu genituen, gai konkretuen gaineko (antolakuntza eredua, zaintza, komunikazioa, lokala) proposamenak egiteko. Beraz, oraindik ezer erabaki gabe daukagu. Hurrengo urtarrilaren 17an, 19.00tan Txiki-Otaegi/San Nikolas plazan egingo dugun asanbladan hartuko dugu erabakia zurekin batera.

2015-12-12 00:19

Eta hurrengo urratsa...norantza?

Erabiltzailearen aurpegia Algortako gazteak

Eta hurrengo urratsa...norantza?

Argi dago beharrizanak ditugula, eta are argiago zein diren badakigula. Baina, zelan asetu? Horri erantzuna topatzea da hurrengo asanbladaren helburua. Zailena egina dugu, zerk batzen gaituen definitu dugu, zer nahi dugun argi daukagu. Baina bada beste pauso bat emateko garaia, eta ez izan zalantzarik, emango dugu! Zelan, hori da gakoetako bat. Norantza, bestea.
2015-12-08 02:57

Algortako gazteak, gurea eraikiz

Erabiltzailearen aurpegia Algortako gazteak

Algortako gazteak, gurea eraikiz

Bere izaera propioa duen kolektiboa osatzen dugun momentutik, ezaugarri komun batzuk konpartitzen ditugu gazteok. Eta gure bizitza herri berdinean garatzen dugun momentutik, errealitate konkretu bat konpartitzen dugu algortarrok. Horrela, eztabaidaezina da Algortako gazteok beharrizan komun batzuk ditugula. Eta beharrizan kolektiboak era indibidualean asetzea posible ez dela gauza jakina da, batasunak indarra ematen duela bezainbeste. Algortako gazteok bi baieztapen hauek argi ditugu. Horra galdera honen bueltan uda aurretik hona eztabaidatzen jarri izana: ze beharrizan ditugu Algortako gazteok? Martxan dabilen eztabaida honen nondik norakoak laburbiltzen dituen dokumentua duzu honakoa. Irakurri, eta interesgarria dela uste baduzu, ez izan zalantzarik; etorri!