Egun hauetan asko eta asko izaten ari dira preso, iheslari eta deportatuak etxera ekartzeko egiten diren hainbat motatako ekimenak. LABek ere langileon bultzada gehitu nahi die ahalegin horiei guztiei. Ozen aldarrikatu nahi dugu LAB-Kideok etxera ekarri behar ditugula, jendarteak entzun diezagun eta urrun daudenei gure mezua helarazi. Horretarako, honako ekimena antolatuko dugu: abenduaren 22an, 12:30ean Telletxe Plazan, Algortan, kontzentrazioa egin eta gero, postetxera eramango ditugu lan-tokietan idatziko ditugun eskualdeko preso, iheslari eta deportatuentzako postalak. Ez dadila bat bera ere geratu gure mezua jaso gabe, ez dugula langileok etsiko denak etxera ekarri arte.
Gonbidatuta dago, zoritxarrez, aldarrikapen zaharra bihurtu zaigun honekin bat egiten duen oro. Postala idatzi, ekarri, eta gurekin batera etorri eskualdeko preso, iheslari eta deportatu guztiek gure laguntza dutela sentiarazteko baliatuko dugun ekimen honetara.