Auzolana eta nekazarien arteko harremana indartzen

Auzolana eta nekazarien arteko harremana indartzen. Gure proiektuaren baitan Goierri auzoko baserritarrak ezagutu, harremanak egin eta ezagutzak partekatu nahi ditugu. Jende honek egiten duen lana ikusarazi nahi dugu, daukaten jakintza baloratu eta beraiengandik ikasi. Baita beraiek guregandik zeozer ere! Bide horretan, harreman politak egiten ari gara eta oso gustura sentitzen gara auzoan. Aldanondo baserriko ekoizpena bisitatzen egon gara, Pinubarri baserrian belarra biltzen auzolanean, Behekotorreko labea ikustera joan gara... Auzotarrak gure baratza bisitatzera ere etortzen dira, eta esperientziak konpartitzen ditugu denon artean. Solotxu zabalik dago nahi duenarentzat!