Diziplina askotako ikuspegitik sortutako lan-sorta batzen du talde-erakusketa horrek; hala, euskarri ezberdinek osatzen dute, artista bakoitzak bere mundua adieraz dezan bere modura: pintura, ilustrazioa, collagea, bideoa, instalazioa, eskultura-objektuak, mugimendua edo argazkilaritzaren bitartez.
Marta Perez Elosuaren argazki-erakusketa
Apirilaren 15era arte, Marta Perez Elosua argazkilariaren "Oihal artean" erakusketa Foru Liburutegiko Areto Nagusian (2. solairuan) egongo da ikusgai, Bilbon. Portugaleteko argazkilariak Euskal Herriko hamabi bat diseinatzaile gaztek egindako diseinu ikusgarriak jasotzen ditu esposizioan, baita diseinatzaile horien jatorria eta erreferentziazko lekuak ere (Bilbo, Gernika, Leioa, Laguardia, Omako Basoa...). Jon Mikeo, Eder Aurre, Paul Txertudi, Antxia anaiak, Nerea Sanchez, Peio Duran, Maria Blanco, Miriam Ruiz, Janire Olano eta Maria Garcia dira diseinatzaile gazte horietako batzuk.