Umore Azokak harrera egin gura die kalea adierazpen eta komunikazio artistikorako bide gisa erabiltzen duten konpainia edota artista profesionalen lanei. Kale-antzerki, musika, zirku, dantza eta bestelako lanak onartuko dira; haurrentzat, familientzat zein helduentzat izan.
Lanek Estatuan estreinakoak edo maiatzaren 2015etik aurkeztutakoak izan behar dute, eta oso modu positiboan baloratuko da Umore Azokan bertan estreinatzeko proposamena, betiere Azokaren Zuzendaritza Artistikoak behar beste denbora badauka estreinaldi horren kalitatea balioesten duten datuak biltzeko.
Azokak atal berezia mantentzen du edizio honetan, 2017ko maiatzetik 2018ko maiatzera bitartean estreinatuko diren eta sormen edo ekoizpen-prozesuan dauden ikuskizunak aurkeztu ahal izateko, konpainien eta kultura-eragileen arteko topaketen dinamikaren barruan. Proposamenak Azokaren bulegora bidali behar izango dira (atal honetan parte hartu gura dela garbi azalduz) konpainiek egoki ikusten duten dokumentazio denagaz batera, eta aurkezpen proposamena azalduz (minutu gutxiko eszenario gaineko aurkezpena, "showcase"-a, "work in progress", komunikazioa...).