Kirolak  Leioa 2017-03-03 16:00

Aste-akabuko ordutegia aldatu dute Leioako Torresolo kiroldegian

Torresoloko kirol-instalazioetan aste-akabuko ordutegia aldatu dute, udal-iturriek jakinarazi dutenez. Hala,  ordu bi lehenago itxiko dute kiroldegia, zapatuetan: 20:00etara arte edukiko dute erabiltzaileek instalazioez gozatzeko aukera. Bestalde, zapatuan zein domekan, ordu bat lehenago zabalduko dute Torresolo kiroldegia; goizeko 09:00etan sartu ahal izango dira kirolzaleak.

Aste-akabuko ordutegia aldatu dute Leioako Torresolo kiroldegian
Torresoloko kirol instalazioak. © LEIOAKO UDALA | Ikusi handiago | Argazki originala

Horrenbestez, ondokoa izango da ordutegia: astelehenetik barikura, 12:00etatik 21:30era arte; zapatuetan, 09:00etatik 20:00era arte; eta domeketan, 09:00etatik 14:30era arte. Kiroldegi horretan, kanpoko igerilekuak eta padela zein tenisa praktikatzeko pistak daude; hala ere, igerilekuak udan baino ez daude zabalik. Bestalde, aldagelak, dutxak eta jatetxea dauzkate erabiltzaileek. Torresoloko kirol-instalazioak Leioako Eusko Gudariak kalean daude.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa