Jendartea  Leioa 2017-03-10 10:53

Durangoko PPko zinegotziaren kontrako pankarta ipini dute Leioako campusean

"Ez deitu 'eraso-saiakera' erasoa denean! PPko zinegotziari inpunitaterik ez!" lema erabiliz, Francisco Garate udal-ordezkari durangarraren kontrako aldarria zabaldu du Madamak taldeak, sare sozialetan. "Patriarkatua akatu! Francisco Garate erasotzaile!" irakur zitekeen pankarta ipini du Gizarte eta Komunikazio Zientzien Fakultateko talde feministak, egun hauetan, Leioako campusean.

Durangoko PPko zinegotziaren kontrako pankarta ipini dute Leioako campusean
© GKZ-KO MADAMAK‏ | Ikusi handiago | Argazki originala

Francisco Garate Durangoko PPko zinegotziaren kontrako salaketa artxibatu zuen epaile batek, orain dela hiru egun. Etxeko langile bati sexu-abusuak egitea egotzita atxilotu zuten, baina epailearen aurretik igaro ostean karguakaz aske gelditu zen.

Durangoko Plataforma Feministak ohar baten bidez jakinarazi duenez, "egoeraren larritasunaz jabetuta eta Ertzaintzak (Francisco Garate) azkar atxilotu zuela ikusita" ulergaitzak dira auzian eman diren hurrengo pausoak; izan ere, karguakaz aske gelditu eta ordu gutxira kasua artxibatu zuen Durangoko 4. Instrukzio Epaitegiko epaileak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa