Kultura  Leioa 2017-03-10 18:23

Aritz Muguerzak irabazi du berriro Mendibile Jauregiko horma-irudien lehiaketa

Berriro ere Aritz Muguerza artista deustuarrak irabazi du Leioako Mendibile Jauregiko Mural Lehiaketako. Oraingo honetan, "Bizkaiko urre koloreko sekretua" izeneko lana aurkeztu du. Iaz, sariketaren bigarren edizioan, "Mahatsa bizirik" horma-irudiaz proposatu zuen. Muguerzak 3.000 euroko saria lortu du; murala hurrengo egunetan margotuko du, apirilaren lehen astean amaituta egon dadin.
Aritz Muguerzak irabazi du berriro Mendibile Jauregiko horma-irudien lehiaketa
Aritz Muguerzak aurkeztutako proposamena. | Ikusi handiago | Argazki originala
Aritz Muguerza deustuarra nagusitu da maila altuko 20 proposamen aurkeztu diren lehiaketan, Mendibile Jauregia elkarteko arduradunen berbetan. Mural-lehiaketaren hirugarren edizioko aipamen bereziak hurrengo artistentzat izan dira: Iker Vázquez Arteche, "(G) Euria" lanagatik; Enara Conde eta Aitziber Igargua, "Iraganaren Islada" proposamenagatik; eta Gabriel Coca Bandrés "Deconstrucción MMXVII" obragatik.

Lehiaketa irabazi duen lanari dagokionez, Muguerzak existitzen ez den hirugarren pisu bat irudikatzen du "Bizkaiko urre koloreko sekretua" obran, Mendibile Jauregiari ikusgaitasun handiagoa emateko. Muralaren ezker aldean aztarna digital handia margotu du, koparen funtzioa egiten duena, eta txakolinagaz betetzen dena. Muralaren erdialdean harri-jasotzaile itxurako mahats-biltzaile bi aurkeztu ditu. Gainera, jauregi historikoa goratu gura izan du, Buchingham Jauregia balitz bezala. Eskuineko aldean, Bizkaiko Txakolina izendapenaren logotipoa ipini du, loredun diseinuan integratuz.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa