Elkarrekin Podemoseko Miren Gorrotxategi lehendakarigaiak nabarmendu duenez, "Euskadi etxebizitza garestienak dituen hirugarren erkidegoa da, Balear Uharteen eta Madrilen atzetik". Egoera horren aurrean, Eusko Jaurlaritzak etxebizitza-legearen aurkako errekurtso bat jartzea salatu du, lege horrek alokairua arautzeko ahalmena ematen dionean. Hala, Eusko Jaurlaritzak eskumenak aitzakiatzat jartzen dituela baieztatu du: "Autogobernuak arazoak konpontzeko balio behar du, ez bankuen, funts putreen eta espekulatzaile handien intereserako".
Horren aurrean, Elkarrekin Podemosek "Euskadiko Ongizate Estatuaren bosgarren zutabea" bihurtu gura duela baieztatu du, eta, horretarako, premiazko lau neurri bete behar direla azaldu du: jenderik gabeko etxebizitza guztiak merkaturatzea; tenkatutako eremuak aitortzea alokairuaren prezioak mugatzeko; alokairuko etxebizitza publikoa eraikitzea, gutxienez Europako batez bestekora iritsi arte; eta espekulatzeko metro koadroak pilatzen dituztenei etxebizitza masiboki erosteko ahalmena kentzea.
Modu horretan, azpimarratu du sozialki justua den gizarte batek ezin duela onartu "jenderik gabeko etxerik eta etxerik gabeko jenderik egotea".
