Arteak eta talentuak Leioako kaleak bete zituen domekan, maiatzaren 5ean. Beste behin, Leioako pintura azkarreko lehiaketan parte hartu zuten artistek udalerriko hainbat tokitan egin behar izan zituzten beraien lanak: Elexalde errota, Estartetxe, Lamiako-Txopoeta, Mendibile jauregia, Ondiz, Pinosolo parkea, Sabino Arana, San Bartolome ermita, udaletxea eta eliza eta Udondoko bulebarra.
Aurtengo lehiaketa sei sari banatu dituzte, hiru nagusiak eta beste hiru bereziak. Lehen saria 40 urteko Leticia Gasparentzat izan da, 1.300 euro eta margolari paleta eskuratu ditu. Bigarrena, 41 urteko Eduardo Altsasurentzat. 1.100 euro eta margolari paleta bat jaso ditu. Hirugarren saria 67 urteko Milagros Sanchezek jaso du, berak 800 euro eta margolari paleta bat eramango ditu.
Horiez gain, sari bereziei dagokienez, Gaztea sariak, 800 euro eta pintore paleta dituenak, 18 eta 30 urte bitarteko parte-hartzaile baten lanik onena saritzen du, eta aurten Andres Rivasentzat izan da. Harrobia saria Alejandra Garciarentzat izan da, 18 urtetik beherako parte-hartzaile baten obrarentzat. Honek ere pintore paleta bat eta 120 euroko bonua jasoko ditu. Azkenik, Leioan erroldatutako pertsonentzako Leioa saria izan da. Jose Reyes Ramosek eraman du, 500 euro eta pintore paleta bat jaso ditu.
