Jendartea  Plentzia 2017-04-10 13:30

Plentziako metro-geltokiaren estalkia aldatu gura dute

Metro-geltokiko estalki berria aldatzeko eskatuko du EH Bilduk, eraikinari motz ematen diolakoan.

Plentziako metro-geltokiaren estalkia aldatu gura dute
Estalki berriak ezinegona eragin du herritarren artean. | Ikusi handiago | Argazki originala

Plentziako metro-geltokiaren es­talki berria ipintzen hasi dira; horrek ezinegona sortu du herritarren artean, eta udal-taldeen artean ere bai. Hori dela eta, estalki hori eta daborduko nasan dagoena ordezkatzeko eskaera hasi duela jakinarazi du EH Bilduko udal-agintariek.

Azaldu dutenez, orain egiten dabiltzanak eraikina guztiz "itsustu egiten" du, hortaz hori kentzea eskatuko dute. Horren ordez, eraikitzen dabiltzan eraikinagaz bat datorren eta horregaz "lehian ez dabilen" estalkia batengatik ordezkatzeko eskatuko dute.

Plentziako Independenteak taldeak lanok salatu zituen; horren aurrean, koalizio abertzaleak deitoratu du Plentziako Independenteak saiatu dela EH Bilduk Udalean egindako lana "zikintzen". Oposizioko taldea komunikabideetako izenburuen erritmora mugitzen dela salatu du EH Bilduk, "haien idatziak aurkeztean antza, hautematen dituzten arrazoiei aurre hartzen jakin gabe".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa