Kultura  Sopela 2017-03-01 16:17

Sagardotegian afaltzeko irteera antolatu du Sopelako Udalak

Astigarragako Petritegi sagardotegian afaltzeko txangoa prestatu du Udalak, martxoaren 18rako, zapaturako. Parte hartu gura dutenek martxoaren 8a baino lehen izena eman beharko dute, Kurtzio kultur etxean, 944 065 505 telefono-zenbakira deituz edo hall-kulturala@sopela.eus helbidera idatziz. Mezuan izen-abizenak, jaiotze-data eta telefono-zenbakia ipini beharko dituzte izena ematen duten guztiek. 

Horrez gainera, dagokien diru-kopurua 2095.0551.60.9104344011 zenbakiko Kutxabankeko kontu-korrontean sartu beharko dute sagardozaleek; izen-abizenak zehaztu beharko dituzte. Salneurria (autobusa eta menua) 30 eurokoa izango da Sopelan erroldatuta daudenentzat; sopeloztarrak ez direnek 40 euro ordaindu beharko dituzte. Ezinbestekoa da adinez nagusia izatea.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa