Jendartea  Sopela 2017-03-23 09:30

Sopelarin bulegoa lekuz aldatuko dutela salatu du EH Bilduk

Sopelako EH Bilduk zabaldu du Udal Gobernuak Larrabasterrako Sopelarin bulegoa salduko diola Uribe Kostako Zerbitzu Mankomunitateari; herritarren arretarako udal-bulegoa da Sopelarin.

Koalizioak dioenez, Urgitxietako lokala tasatzea eskatu zuen Gontzal Hermosilla alkatea; oposizioak eta udal-beharginek "kasualitatez" izan dute horren berri, tasatze-lanen fakturagatik. Salatu dute "Uribe Kostako Mankomunitatearen baldintzak hobetzeko, udal-instalazioak okerragotu" eta urrunduko dituztela; ziurtatu dute udal-bulegoa Loiola Ander Deuna kalera lekualdatuko dela, Turismo Bulegoagaz batera.

Hermosillaren arabera, "azkenean salmenta burutuko bada, erabiltzaileek zerbitzu berdina jasoko dute, ez dute inolako kalterik jasango. Udalaren lehentasuna egun eskaintzen den kalitatezko zerbitzu bera eskaintzen jarraitzea da".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa