Kirolak  Sopela 2017-03-22 20:05

Lointek nagusitu da Tafallan

Lointek Team taldeak ondo baino hobeto hasi du Euskaldun txapelketa, garaipen lortu du eta. Belén López txirrindulari cadiztarra izan zen protagonista pasa den domekako etapan, Tafallan; hainbat ahaleginen ostean, bakar-bakarrik ihes egin zuen txirrindulari-taldetik, eta tropelaren eta bere arteko aldea mantentzea lortu zuen. Hala, besoak altxatuz sartu zen Tafallako helmugan.

Lointek nagusitu da Tafallan
Belén López Tafallako helmugan. © LOINTEK TEAM | Ikusi handiago | Argazki originala

Atzean, Lointek taldeak mendean hartu zituen erasoak, tropela apurtzeko guran egindakoak. Lehenengo etaparen ostean, López sailkapen nagusiaren buru da, Lointek taldekako liderra da eta talde laranjak erabat hartuta dauka 23 urtez azpikoen podiuma: Alicia González, Ziortza Isasi eta Alba Teruelegaz.

Tafallara sasoian heldu dela azaldu du Lópezek: "oso pozik nago denboraldi hasieragaz. Belgikako lasterketek on egin didate, sasoia aztertzeko eta prestaketa egokitzeko". Halere, onartu du bere garaipena talde-lana izan dela: "ondo baliatu ditugu gure indarrak: lasterketa hasieratik apurtu behar genuen, gure alde ipintzeko, eta horrela egin dugu. Gaur nik irabazi dut, baina beste edozeinek irabaz zezakeen ihes egin izatekotan, tropelean talde osoak egindako lanari esker".

Bestalde, Setmana Ciclista Valenciana lasterketari dagokionez, Cristina Martínezek irabazi zuen valentziar onenaren maillot gorria.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa