Kirolak  Barrika  Getxo  Plentzia 2017-02-16 10:00

Eskola Kiroleko proba eta Bizkaiko piragua-txapelketa, Plentzian

Aste-akabu honetan, piraguazaleek Plentziako itsasadarra eta badia hartuko dituzte. Izan ere, zapatuan eta domekan egingo dira Eskola Kiroleko estropadak eta Bizkaiko ur bareetako piraguismo-txapelketak, aurreko hilaren 4an eta 5ean eguraldiagatik egin ez zirenak.

Eskola Kiroleko proba eta Bizkaiko piragua-txapelketa, Plentzian
Plentzian egindako Bizkaiko eskola jokoen piraguismo proba bat, artxiboko irudian. © BIZKAIKO FORU ALDUNDIA | Ikusi handiago | Argazki originala

Zapatuan, 8 eta 13 urte bitarteko 40 bat neska-mutilek parte hartuko dute estropadan, 10:00etatik aurrera. Domekan, Bizkaiko txapela janzteko lehia bizia egongo da; norgehiagokan izango dira Uribe Kostako hiru klubak: Barrikakoa, Getxokoa eta Plentziakoa. Aurreko egunean legez, 10:00etan abiatuko da lehia, Jai-Alai frontoiaren paretik, emakumeen txandagaz; 10:45ean gizonak irtengo dira. Butroe ibaian 2.500 metroan gora egin, ziaboga eman eta, bide beretik, behera egin behar izango dute palistek, arinenak jantziko du txapela.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa