Kirolak  Getxo  Uribe Kosta 2017-03-03 12:20

Bizkaiko mus-txapelak, Ibarrekolandaraino

Bizkaiak badauka daborduko aurtengo mus-txapeldun parea: Ibarrekolandako Aitor eta Karmelo Carral Tellitu anaiak. Biak izan ziren onenak pasa den zapatuan, Algortako Azebarri kulturgunean jokatutako finalean, azken partidan Bermeoko Jabi "Otxote" eta Josi Arrien gaindituta.

Bizkaiko mus-txapelak, Ibarrekolandaraino
Txapeldunak, Azebarri kulturgunean. CC-BY-ND EUSKAL HERRIKO MUS FEDERAZIOA | Ikusi handiago | Argazki originala

Egun horretako partidak baliagarriak izan ziren Euskal Herriko Mus Txapelketako nazio-finalera sailkatzeko ere. Hala, Uribe Kostatik bikote bi joango dira martxoaren 25ean Anoetara, bertan Euskal Herriko finala jokatzera. Sailkatutakoak hauek dira: Itzubaltzeta/Romoko Alberto Lucas eta Domingo Ugarte, eta Algortako Mario eta Javi Sarria. Itzubaltzetarrak Bizkaiko zazpigarrenak geratu dira; algortarrek sailkapeneko 11. postuan amaitu dute lurraldeko lehia.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa