Hala, interesdunek euren proposamenak bidali ahal izango dituzte apirilaren 17ra arte, Kalianen helbide elektronikora. Proposatuko diren lanek 10-15 minutu artean iraun beharko dute, eta beharrezkoa da horien ezaugarriak zehazten dituen txostentxoa beteta bidaltzea ere. Horrez gainera, antzezlan laburraren bideo bat ere helarazi beharko zaie antolatzaileei; beste betebehar batzuk ere badira:
Oinarriak
Aurkeztu beharrekoak:
Txosten bat, ondokoak zehaztuz: zuzendaria, aktoreak, sinopsi laburra, eszenaratze-proposamena, datu teknikoak (soinua, irudia, proiektoreak, beharko luketen gunearen mota eta azalera, etab.), eta harremanetan ipintzeko helbide elektroniko bat zein telefono-zenbaki bat.
Irudi bat (300 puntuko kalitatean eta jpeg-n)
Bideo baten dokumentazioa (youtube edo vimeo guneetako loturagaz; we transfer bidez ere helaraz dakieke).
Epea eta bidea
Apirilaren 17ra arte jasoko dituzte proposamenak.
Hurrengo helbide elektronikora: info@kalian.es.
Irabazleak
Lau antzerki-lan labur aukeratuko dituzte; horiek izango dira II. Kalian Lan Laburren jaialdian oholtzaratuko dituztenak.
Taularatzea
Ekainaren 10ean, zapatuan, Leioako Ondiz dorrean.