Kultura  Gorliz  Plentzia  Uribe Kosta 2017-03-17 12:00

Mikel Markezek kontzertua eskainiko du, gaur, Gorlizko udaletxean

Gorlizko udaletxeko bilkura-aretoan kontzertu akustikoa eskainiko du Mikel Markez abeslariak, gaur, barikua, martxoaren 17a. Emanaldia arrastiko 07:00etan izango da; sarrera, doan. Hain zuzen ere, Plentziako eta Gorlizko euskara-agenda bateratuaren barruan antolatu dute musika-saioa.

Mikel Markezek kontzertua eskainiko du, gaur, Gorlizko udaletxean
Azken diskoa Kalifornian grabatu zuen Mikel Markezek, Noka talde estatubatuarragaz; "Bi ahizpak" (2015) izenburua dauka. © MIKEL MARKEZ | Ikusi handiago | Argazki originala

Mikel Markez 1971n jaio zen, Errenterian; hamabost urtegaz gitarra jotzen eta lehen abestiak egiten hasi zen; jendearen aurrean lehen kantu-saioak eskaini zituen garai hartan.
Abeslari errenteriarrak hamar disko ditu bakarlari moduan, eta hainbat bildumatan agertzen dira bere kantuak. Ekoizle legez, hogeitik gora disko dauzka: Patxi Saiz kantariaren lanak edo Trikitixa Elkarteko Faborez izenburuko serie osoa dira lanik aipagarrienak. Irratian ere ibilitakoa da; 1994tik 2010era artean, Oroimeneko portua eta Ahobete hots saioak zuzendu zituen, Herri Irratian. Horrez gainera, Kaja beltza saioaren ardura hartu zuen, Euskadi Irratian.
Bestalde, Plazer bat dut, Benito! (Elkar, 2012) liburua argitaratu zuen, Pako Aristi idazleagaz eta Benito Lertxundi kantariagaz batera.

2017/03/17 19:00

Gorlizko udaletxea | Gorliz

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa