Kultura  Leioa  Sopela  Uribe Kosta 2017-03-25 10:00

Zinegoak festibalak Leioa eta Sopela bisitatuko ditu

Zinegoak gaylesbotrans nazioarteko zinema eta arte eszenikoen jaialdia Uribe Kostan izango da datozen egunotan eta asteotan. Hala, martxoaren 29an eta 30ean Leioan izango da festibala; apirilaren 7an, Sopelan.

Zinegoak festibalak Leioa eta Sopela bisitatuko ditu
Proiektatuko den euskal film bakarra "¡No es nada!" izango da. © JOSÉ A. CORTÉS AMUNARRIZ | Ikusi handiago | Argazki originala

Kultur Leioan, lehenengo egunean Euskal Herriko eta Europako honako film laburrak ikusi ahal izango dira: "¡No es nada!", "#Not guilty", "Ana se intoarce", "Grávido", "Gabber lover" eta "Oh-be-joyful"; saio bera errepikatuko dute Sopelako Kurtzio kultur etxean, apirilaren 7an.

Bigarren egunean, "Oriented" film luzea proiektatuko dute, Kultur Leioan. Israelen eta Erresuma Batuaren arteko koprodukzioak mutil batzuen historia kontatzen du: unibertsitate tituluak dituzte, modernoak dira, eta erakutsi gura dute belaunaldi berri bat ordezkatzen dutela; Khader, Fadi eta Naeem lagunek ez dute israeldar pasaporterik, baina, edozer konturen gainetik, palestinartzat dituzte euren buruak. Begetariano, ateo, feministak eta, batez ere, gayak dira.

Saio denak 20:00etan hasiko dira, Leioan zein Sopelan; sarrera doakoa da. Leioan, gonbidapena eskatzea beharrezkoa da.

Leioako egitaraua

2017/03/29

Kultur Leioa eta Kurtzio Leioa Sopela Uribe Kosta

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa