Kultura  Leioa  Uribe Kosta 2017-03-28 19:16

Abian da "Ni gaztea nintzenean" narrazio-lehiaketa

Leioako Udal Kultura Sailak Narrazioen XVIII. lehiaketa antolatu du, “Ni gaztea nintzenean” goiburupean. Gai horretan oinarrituta, partaide bakoitzak narrazio bi aurkeztu ahal izango ditu, apirilaren 21era arte. Lanak euskaraz edo gaztelaniaz egon daitezke, eta gehienez bost orrikoak izango dira. Narrazioek jatorrizkoak, argitaratu ba­koak eta saritu bakoak izan beharko dute.

Abian da "Ni gaztea nintzenean" narrazio-lehiaketa
Mari Carmen Lopez arrasatearrak sarietako bat irabazi zuen orain dela bost urte. GOIENA | Ikusi handiago | Argazki originala

Lehiaketan lau kategoria daude: adinbakoak, 19 urtetik 35 urtera bitartekoak, 36 eta 55 urte bitartekoak, eta 56 urtetik gorakoak. Modalitate bakoitzean sari bi izango dira: 250 eta 125 eurokoak. Epaimahaiaren erabakia apelaezina izango da; hala epaimahaiak aukeratutako lanen egileei saria emango diete ekainaren 7an, Kultur Leioan antolatuko duten ekitaldian. Saritutako lan denak argitaratuko dira, "2017ko Lehiaketa Liburua" delakoan.

Lehiaketaren oinarriak

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa