Kirolak  Berango  Getxo  Uribe Kosta 2017-04-05 10:00

Javier Otxoa klasikarako inskripzioa zabaldu dute

Datorren apirilaren 29an, zapatuan, Javier Otxoa klasika antolatuko du Punta Galea txirrindulari-elkarteak. Ohi legez, zikloturistentzako txango horren bidez Javier Otxoa txirrindulariari gorazarre egingo dio klub getxoztarrak ibilbidearen 32. edizioan; Randonnée Punta Galea klasika gisa ere ezaguna da proba, 2005ean Otxoari eskaini aurretik hori baitzen izen ofiziala.

Javier Otxoa klasikarako inskripzioa zabaldu dute
Otxoa Punta Galeako txirrindulari gazteakaz, artxiboko irudian. © PUNTA GALEA | Ikusi handiago | Argazki originala

Daborduko aurretiko inskripzioa egin daiteke, Punta Galearen webgunean, hilaren 27ra arte. Izen-ematea behin betikoa izan dadin, ordainketa egin beharra dago. Klubak azaldu duenez, federatuek 20 euro ordainduko beharko dituzte eta federatuta ez daudenek 30 euro. Aurretiko izen-ematea egingo dutenen artean zenbait opari zozkatuko ditu Punta Galeak. Dortsalak probaren egunean bertan hartuko dira, goizeko 07:30etik aurrera, Getxoko Andra Mari kiroldegian, behin ordainagiria erakutsita.

Ibilbidea azken urteotako berbera izango da: goizeko 09:00etan, Andra Mari kiroldegitik aterako dira txirrindulariak; Aretxabala, Sollube eta Andraka atzean utzi eta 101 kilometro bete ondoren, Getxoko Andra Mari kiroldegiraino bueltatuko dira. Javier Otxoa txirrindulari berangoztarra 2001ean harrapatu zuen auto batek; ordutik hona kirol paralinpikoan ibili da.

2017/04/29 09:00

Getxoko Andra Mari kiroldegia Berango Getxo Uribe Kosta

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa