Jendartea  Uribe Kosta 2017-04-07 17:35

Osakidetzak ohartarazi du ez dabilela telefono bidezko inkestarik egiten

Osakidetzak jakinarazi duenez, baliteke norbaitek bere izenean iruzurra egiten ibiltzea; hori dela eta, herritarrei ohartarazi die Euskal Osasun Zerbitzua ez dabilela telefonoz osasunaren inguruko inkestarik egiten.

Osakidetzak ohartarazi du ez dabilela telefono bidezko inkestarik egiten
Euskal osasun-zerbitzua ez dabilela telefonoz osasunaren inguruko inkestarik egiten ohartarazi dute. | Ikusi handiago | Argazki originala

Euskal osasun-zerbitzuak jakin ahal izan duenez, Osakidetzatik kanpoko pertsonak herritarrak telefonoz deitzen omen dabiltza. Dei horietan, osasunaren inguruko inkesta bat egiten diete hartzaileei, euren informazioa eskuratzeko eta, ondoren, medikamentuak eskaini eta etxebizitzara bisita egiteko esaten diete, eskainitako produktua saltzeko. 

Osakidetzak ezin du teknikoki norbaitek bere izenean deiak egitea ekidin eta, beraz, gertaeraren berri eman die herritarrei, eta dei horiei uko egiteko eskatu. Osakidetza ez dabil orain osasunaren inguruko inkestarik egiten eta, edonola ere, inoiz ez ditu eta ez lituzke herritarrak telefonoz deituko medikamentu eta produktuak saltzeko. Hortaz, orain gertatzen dabilena iruzurra izan daitekeela ohartarazi du.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa