Kirolak  Erandio  Getxo  Leioa 2017-04-11 14:05

Bizkaiko Zubiaren Maratoi Erdirako izen-ematea zabalik dago

Datorren apirilaren 30ean, domekan, Bizkaiko Zubiaren Maratoi Erdiaren laugarren edizioa egingo dute, 10:30etik aurrera. Herri-lasterketa izaera dauka probak eta Getxo eta Portugaleteko herriak lotzen ditu, 21.097 metroko ibilbide baten bidez. Lasterketa Bizkaiko Atletismo Federazioak antolatzen du, Bilboko, Portugaleteko eta Getxoko udalen laguntzagaz.

Bizkaiko Zubiaren Maratoi Erdirako izen-ematea zabalik dago
Lasterketaren artxiboko irudia. © GETXOKO UDALA | Ikusi handiago | Argazki originala

Aurten, korrikaldia Bizkaiko Zubiaren plazatik aterako da, Portugaleteko Canilla pasealekuan amaitzeko. Patinen gaineko kirolariak 10:30ean irtengo dira, eta lasterkariak 10:45ean. Itsasadarraren eskumaldetik egingo du aurrera, Erandio eta Leioatik, Bilbon sartu eta Euskalduna zubiraino heldu arte. Bertatik ezkerralderantz segituko du, Barakaldo eta Sestao atzean utzi eta Portugaleten ipinitako helmugara iristeko, 21 kilometroak beteta.

Ibilbidea betetzeko gehienez 2 ordu eta 45 minutu ezarri dituzte. Ibilbidea bukatu ez duten parte-hartzaileek, denbora horren ondoren, lasterketa utzi egin beharko dute.

Inskripzioak

Izen-ematea 21kpuentebizkaia.com webgunearen bitartez egin daiteke apirilaren 23ko 00:00ak arte, probaren egunean adin nagusikoa izan eta 19 euro ordainduz gero. Epe arrunta amaitu ondoren oraindino dortsalak geratuz gero, izena emateko modu bakarra Trirunners eta Kantxa Kirol Moda Getxo udalerriko dendetara jotzea izango litzateke, apirilaren 28an, barikua, eta 29an, zapatua. Leku horietan txipadun dortsalak ere batu daitezke. Aurrez aurreko inskripzio horiek 25 euroko prezioa izango lukete. Edozein kasuan, ez da onartuko izen-ematerik probaren egunean bertan. Zalantzaren bat izanez gero, info@21kpuentebizkaia.com helbide elektronikora idatz daiteke.

2016/04/30 10:30

Bizkaiko Zubiko plaza Erandio Getxo Leioa

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa