Urte batzuetara, jendartearen estandarretara egokitzeko edo, basati itxura leundu zioten. Olentzero dotore eta txukunak hartu zuen ikazkin zarpailaren lekua. Bazterreko kontu bat izatetik Eguberrietako ospakizunen erdigunean kokatzera ailegatu zen.
Azkenik, berdintasunaren izenean edo, Mari Domingi agertu zaigu bere ondoan. Ez daukat argi laguntzailea, emaztea, bikotekidea, laguna edo zer demontre den, baina bikote hetero perfektuaren figura indartu baino ez duela egiten iruditzen zait. Gainera emakumea plazara ateratzen badu ere, bigarren mailan geratzen dela esango nuke, Olentzeroren gerizpean.
Ez ote litzateke egokiagoa Olentzero emakumea izatea? Non agertzen da gizonezkoa izan behar duela? Jakintzat ematen dugu, Jainkoa gizonezkoa zela edo beste hamaika kontu jakintzat eman izan ditugun legez. Ea 2023ko Olentzerok pausu hori ematen duen jendarte feminista eraikitzeko bidean.
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.