Gazteen hezkuntzari dagokionez, zoritxarrez, egokitasunez, probetxu handiz, eraginkortasun jasoz eta antolaketa egokiz ikasten irakatsi baino nahiago izaten da azterketak gainditu eta ikas-prozesua arazo handiegirik gabe igarotzea, baina…erreka horrek ur-emari urri.
Gazterik gehienek benetan eleanitzak izatetik oso urruti daude, azken Ebaluazio Diagnostikoak azaltzen duen bezala. Irakurtzea hobe. Euskarari dagokionez, ahozko erabileran beherakada nabarmena izan da eta are gehiago: gazteen euskaraz idazteko eta irakurtzeko gaitasuna…hutsaren hurrengoa da. Sakon arduratzekoa. Egoera hori urteotan zoritxarrez ohikoa izan den arren, eraldatzeko ezer gutxi egin du eta dagi Hezkuntza Sistemak.
Ikasleen irakurketa-trebetasunari dagokionez, hondamendia ikaragarria da; gure gazteen egungo irakurketa eta ulermena oso txarra dela jakinik egoera horiek eraldatzeko ekintzarik-eza da nagusi eta, ondorioz, emaitzek txarragora besterik ez dagie.
Irakasleek ez dira hondamendi hori bideratzeaz arduratzen eta ondorioz, ikastetxeetan irakurle geldo, ulermenik gabeko, arreta hutsaleko eta irakurketa-ohiturarik eza ikaragarria duten ikasleak besterik ez dira sortzen, ikasleen eta baita gurasoen kalte, egonezin eta zorigaitza areagotzea lortuz.
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.