Euskal Non-League Day ekimenaren helburua da talde hitzartuek eta horiek ordezkatzen duten futbol hezitzaileak gizartean eta kirolean duten garrantzia azpimarratzea, antolatzaileek azaldu dutenez. Horretarako, "merezi duten ikusgarritasuna eta aintzatespena ezagutzera emateaz gain", Athletic Clubek zozketak antolatuko ditu tokiko zaleek festan eta Euskal Non-League Day jaialdiaren bigarren edizioan parte har dezaten. Izan ere, jaia talde bakoitzaren zelaian izango da.
Hitzartutako klub bakoitzak Athletic Clubek antolatutako zozketetarako txartel sorta bat jasoko du. Txartelaren prezioa 3 eurokoa izango da, eta bildutako diru guztia hitzartutako klubarentzat izango da, eta horiek komunitateko gizarte-erakunde batera bideratu ahal izango du zenbatekoaren zati bat.
Gainera, tokiko zelaietara bertaratzea sustatzeko, Athletic Clubek gizonezkoen lehen talde osoak sinatutako kamiseta bat, emakumezkoen lehen taldeak sinatutako kamiseta bat eta LaLigako partida baterako sarrera bi zozkatuko ditu martxoaren 23an eta 24an Twitterrera, Facebookera edo Instagramera #EuskalNonLeagueDay traola erabiliz oinarri-futboleko partida batean argazki bat igotzen duten pertsona guztien artean.
Gurean, Uribe Kostan, hurrengo klubek parte hartuko dute jaian: Arenas Club, Barrika Futbol Elkartea, SD Erandio Club, Erandioko Betiko Neskak, Gaztelueta CF, CD Getxo, SD Leioa, Leioako Emakumeak FKE, Neguri SD, SD Plentzia eta Urduliz FT.