Guztira, 18 kidek osatu zuten taldea, eta kudeaketa eta tratamendu prozesu horien ezagutzan sakondu ahal izan zuten. Era berean, Uribe Kostako eskualdean hondakinak behar bezala bereizteko eta birziklatzeko prozesuak sustatzen jarraitzeak duen garrantzia azpimarratu zuten, gaur egun sortzen zabor kantitate handiaren aurrean.
Lehenik eta behin, espedizioak Arraiz mendian (Bilbo) dagoen Tratamendu Mekaniko-biologikoko Instalazioa (TMB) bisitatu zuen. Bere 23.000 m2-tan birziklatzeko eta balorizazio termikorako (CSR) materialak berreskuratzen dira, gainerakoa inertizatuz. Horrela, isuritako hondakin primarioen kopurua murriztea eta zabortegien bizitza baliagarria handitzea lortzen dute. Ondoren, Konpostegira abiatu ziren, Artigasen (Bilbo) dauden instalazioetara. 14.000 m2-ko azaleragaz, helburu nagusi du konpostatzea Uribe Kostako udalerrietatik jasotako frakzio organikoa eta inausketa eta orezaintza hondakinak, baita beste ekoizle handi batzuenak ere: Merca Bilbao, etab. Konpostatze-prozesuaren bitartez goi-mailako konposta lortzen da eta gaur egun lorezaintzan nahiz nekazaritzan erabiltzen ari da ongarri bezala.