Kultura  Erandio 2017-03-16 17:39

Korrikari ondoetorria egingo diote barikuan Erandiogoikoan

Bihar, barikuan, martxoaren 17an, Erandiogoikoko auzokideek harrera egingo diote euskararen lasterketari. Arrasti osoan, zenbait jarduera izango dira Euskadi plazan antolatuko duten Korrika-festan.

Korrikari ondoetorria egingo diote barikuan Erandiogoikoan
Aurrekoan legez, gauez pasatuko da Korrika Erandiogoikotik. BERBOTS | Ikusi handiago | Argazki originala

Hala, 18:00etan, umeentzako eta gazteentzako tailerrak eta herri-kirol erakustaldiak egingo dituzte. Ostean, pandero-ikasleen emanaldia izango da, Goi-Alde taldearen dantza-erakustaldiaren aurretik. Musikak ere bere tartea izango du, 20:00etatik aurrera Seamrog-ek ekitaldi-musikatua egingo du eta. Eguneko azkenengo ekitaldia herri-afaria izango da, Dandaka jatetxean, 22:00etan. Arrasti osoan, Korrika-denda zabalik egongo da plazan.

Erandioko lehenengo auzoa izango da Erandiogoikoa Korrikari ondoetorria egiten, baina ez da bakarra izango: hainbat ekitaldi antolatuko dituzte Altzagan hilaren 24an, 25ean eta 31n; eta Korrika-festa egingo dute Astrabuduan, apirilaren 1ean.

2017/03/17 18:00

Erandiogoikoko Euskadi plaza Erandio

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa