Jendartea  Erandio 2017-04-19 21:27

Aurkitu dute Erandion desagertu zen 89 urteko gizonezkoa

Astelehenetik desagertuta zegoen 89 urteko gizonezkoa arratsaldeko 19:00ak aldera topatu dute, konorteagaz baina zaurituta, Bekoetxebarribidea inguruan, Arriaga auzoan. Larrialdi zerbitzuetako langileek aurkitu eta Gurutzetako ospitalera eroan dute, Eusko Jaurlaritzaren Segurtasun Sailak eta Bizkaiko Gurutze Gorriak zabaldu dutenez.

Aurkitu dute Erandion desagertu zen 89 urteko gizonezkoa
Arriaga auzoa erta inguruak miatu dituzte larrialdi-zerbitzuek. © BIZKAIKO GURUTZE GORRIA | Ikusi handiago | Argazki originala

Iturri horien arabera, 19:00ak aldera aurkitu dute. Osasun zerbitzuetako langileak bertaratu dira, baina oraingoz ez dute bere egoeraren gaineko datu gehiagorik eman.

Astelehenean salatu zuen familiak desagertzea. Bilaketa lanak Erandioko nekazaritza-gune batean egin dituzte, gizonezkoa bizi zen baserriaren inguruan. Helikoptero bat, Ertzaintzaren erreskate taldea eta DYAko eta Babes Zibileko kideak aritu dira lan horietan. Elorrioko salbamendu taldeko txakurrak ere erabili dituzte.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa