Iazko maiatzean Espainiako Gorteek Etxebizitza Legea onartu zuten, merkatua arautzeko eremuak izendatzeko aukera plazaratuz. Horri esker, besteak beste, kontratua amaitzen zaien maizterrek aparteko luzapena izan dezakete indarrean duten kontratuaren baldintza beretan eta maizter berrien kasuan alokairua aurreko kontratuaren parekoa izango da, urteko eguneratze klausula bategaz.
Aurreko abenduan, Eusko Jaurlaritzak udalerriak tentsiopeko eremu izendatzeko prozedura ere aurkeztu zuen. Horrek irizpide bi ezarri zituen ditu udalerriak tentsio handiko eremuak izendatzeko: 2017-2022 aldiko alokairuzko prezioen igoera % 17koa baino handiagoa izatea, KPI gehi hiru puntukoa, hain zuzen, eta etxebizitza-gastuen batez bestekoa diru-sarreren % 30a baino handiagoa izatea.
Hala ere, Jaurlaritzaren txostenak kontraesanak izan ditu, eta adibidez, Getxo, EAEko alokairu garestienetakoak izanda ere, zerrendatik kanpo geratu zen, errenta altuena duen udalerrietako bat baita. Horrez gain, eskualdean Berango eta Urduliz osorik izendatu zituzten tentsiopeko eremu eta Leioa eta Erandio partzialki.
Orain, Etxebizitzaren Euskal Behatokiak udalerriak osorik aztertu ditu eta ondorioztatu du hainbat udalerri osorik tentsio handiko eremu izendatu ahalko direla. Atzo argitaratu zuten txostenaren arabera, udalerri osoaren analisia egiteak aukera ematen du tentsio eremu partzial gisa sailkatutako udalerri batzuk tentsio eremu oso gisa sailkatzeko. Horri esker, besteak beste, Erandio, Donostia, Bilbo, Gernika-Lumo Tolosa edo Erandio tentsio handiko eremu bezala sailkatu ahal izango dira.
