Hasieran, Bilbon zuten kokatuta denda-tailerra. Hiriburuagaz alderatuta, Uribe Kostan txirrindulari ezberdinak daudela hausnartu du Morenok: "Bilbotarrek lanera joateko edota hiritik ibiltzeko erabiltzen dute bizikleta. Uribe Kostan, aldiz, ariketa fisikoa egiteko erabiltzen dute. Desplazamenduko txirrindularitza ez da eskualdera heldu, ez ditugulako ia bidegorritik". Era berean, ez du uste bezero herrikoiak dituenik, izan ere, bere lana "apur bat espezializatua" dela uste du.
Nahiz eta hasieran salmentara bideratuta zegon bere negozioa, egun bizikletak konpontzen ditu gehienbat: "Batez ere, errepideko eta mendiko bizikletak konpontzen ditut, gama altukoak. Hala ere, beste lan batzuk ere egiten ditut, hala nola umeen edota herritarren eguneroko bizikletak konpontzen ditut". Uste du horrek egiten duela Altzaga Zikloak berezi: "Beste tailer batzuakaz alderatuta, gu konponketetan zentratzen gara, salmenta bigarren maila batera utziz, izan ere, txikia eta oso espezializatua da".
Gainera, Moreno euskalduna da eta dendara sartzen diren bezeroakaz ahalegintzen da harremana bertatik eraikitzen: "Euskaraz egiten badidate, horrelakoa da harremana, euskalduna".