Lemoizko zentral nuklearreko lurrak enkantean jarriko dituzte
2007ko ots. 13a, 20:47
Espainiako Industria Ministerioko iturriak aipatuz, Lemoizko zentral nuklearraren lurrak lehiaketa publikoan ateratzeko oinarriak prestatzen ari direla adierazi du Eitb24k. Enpresa interesdunek haien eskaintzak egiteko epea maiatzean edo ekainean hasiko da, baina Iberdrolak lehentasuna dauka eta egingo den eskaintzarik onena berdintzeko aukera izango du, besteak beste, gas-horniketa hurbil duelako eta elektrizitateari irteera emateko azpiegitura daukalako zentral horrek. Dagoeneko 2005eko maiatzean asmoa hori zela iragarri zuen Madrlgo gobernuak. Aurretik ere, 2004ko uztailean, lur horietan, Iberdrolak 800 Mw-eko ziklo konbinatuko zentral elektrikoa (1.600 Mw-etara zabal daitekeena) jarri nahi zuela aipatu zuen orduko Bizkaiko Enplegu Sustapen eta Prestakuntzarako ahaldun Sabin Aranak, baina enpresak gezurtatu egin zuen. Argazkian, Lemoizko zentral m¡nuklearreko inguruak.1994an behin betiko gelditu zuten zentral hori eraikitzeko proiektua, eta hor zeuden ekipamendu eta osagai guztiak saldu dituzte dagoeneko. Gelditzen den bakarra eraikinak eta oinarrizko azpiegiturak dira. Aukeratzen duten proiektuak zonaldea onera ekartzea kontuan izan beharko duela adierazi du Eusko Jaurlaritzak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun