Leioako Gazte Asanbladaren oharra:
Martxoak 24an 4. Gazte Eguna ospatuko dugu Leioan, gazte asanbladak antolatuta, "Gazteok autogestioaz... Leioa berria" lelopean.
Egunean zehar hainbat kontu prestatu ditugu, gazteok egindako eguna gazteok disfrutatzeko, giro alaian, elkartasunez, errespetuz, parekidetasunez, elkartasunez...
Gazte olinpiadak, azoka, haurrentzako jolasak, poteo musikatua, kontzertuak... paregabeko eguna gazteon artean igarotzeko.
Alta, gazteriari, egunaren prestaketan eta egunean bertan parte hartzeko deialdia egiten diogu Gazte asanbladatik. Denon artean eta autogestioaz eta borrokaz, Leioa berria lortuko dugulako!
Gora Leioako gazteria!
Gora Udondo gaztetxea!
Gora Gazte Eguna!
Leioako Gazte Eguna ospatuko dute martxoaren 24an
2007ko mar. 16a, 13:49
"Gazteok autogestioaz... Leioa berria" lelopean, martxoaren 24rako IV. Gazte Eguna antolatu du Leioako Gazte Asanbladak. Goizeko 11etan hasita, gazte olinpiadak, azoka, haurrentzako jolasak, txalaparta tailerra, hankapaluak eta puzgarriak izango dira Tigre plazan. 14:30ean, berriz, bazkari herrikoia egingo dute eta 17:00etatik aurrera herri txikiteo musikatua. Ondorengo ekitaldian Plaza Gorrian izango dira, bertan izango baitira kontzertuak. "Paregabeko eguna hortaz gazteon artean igarotzeko", diotenez. Gazteriari, egunaren prestaketan eta egunean bertan parte hartzeko deia egin dio gazte asanbladak. Argazkian, igaz izan zen Gaztetxe Martxa Leioara heltzen.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun