Gospel ikuskizunaz gozatzeko aukera egongo da bihar Kultur Leioan

Larunbat honetarako musika jaialdi aparta antolatu dute Kultur Leioako auditorioan. Izan ere, Madrilgo Gospel Factory taldeak eskainiko du kontzertua. Hitzordua arratsaldeko zortzietan jarri dute eta sarrera hamar eurotan eskura daiteke. Talde horrek soul, R&B eta pop musikarekin uztartzen du gospela, izaera erlijiosoa gaindituz. Modu horretan, kontrastez, sorpresaz eta emozioz betetako saioa egiten dute. Danny Reus showman handiak zuzendu ohi du ikuskizuna; baina ez da horrekin konformatzen, inprobisatu ere egiten du, bere ahots indartsua bakarlarien doinuekin elkartuz. Argazkia: © Leioa.net.