Honela geratu da azken sailkapena:
1. Arkaitz Estiballes: 947 puntu.
2. Etxahun Lekue: 889,5 puntu.
3. Miren Amuriza: 498 puntu.
4. Onintza Enbeita: 493,5 puntu.
5. Beñat Ugartetxea: 492,5 puntu.
6. Jone Uria Albizuri: 483 puntu.
7. Peio Ormazabal: 445 puntu.
8. Eneko Abasolo "Abarkas": 438,5 puntu.
Arkaitz Estiballesek jantzi du Bizkaiko txapela
2010ko abe. 18a, 23:31
Arkaitz Estiballes nagusitu da Bizkaiko Bertsolari Txapelketako finalean. Barakaldoko BECeko aretoa 4.200 bertsozalek betetzen zutela, giro ezin hobean ospatu da Bizkaiko bertsolaritzaren festa. Etxahun Lekuerekin batera heldu da buruz-burukora Estiballes eta 947 punturekin suertatu da irabazle. Berak osatu du finaleko bertsorik borobilena, 52 puntuz: bakarka, gaia emanda, doinu eta neurri librean botatakoa, alegia. Aita Luis Baraiazarrak jantzi dio txapela eta, galdakaoztarrak, Ondarroari eskaini dio aurretik jasotako aginte makila, “intsumisioari baketsu lotutako herria” izateagatik. Bitartean, Jone Uria Albizurik seigarren egin du, 483 puntu erdietsiz. Alcalan preso daukaten bere herrikide eta bertso eskolako lagun Gabi Basañezi aurten Algortako Olentzero izatea opatu dio Uriak. Fredi Payari, berriz, emandako aholkuak eskertu dizkio. Argazkian, gainontzeko finalistak txapeldunarekin batera oholtzan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun