Getxoko euskaltegiek ia 15.000 euroko udal laguntza jasoko dute

Getxoko Udalak ia 15.000 euro banatuko ditu bere menpekoak ez diren udalerriko euskaltegien artean. Diru-laguntza horiek getxoztarren hizkuntza gaitasuna handitzea helburu duten jardueren artean kokatu dituzte udal agintariek. "Oso garrantzitsutzat jotzen dugu euskaltegiek hizkuntza bera eta euskararen normalizazioaren alde egiten duten lana, Euskara Biziberritzeko Plan Nagusian jasota agertzen den bezala”, azaldu du Koldo Iturbe zinegotziak. Gauzak horrela, Lauaxeta AEK-k 7.647 euro jasoko ditu, Jose Antonio Agirre euskaltegiak 4.121 euro; eta Uztarrik udalerrian dauzkan hiru zentroek 1.799 euro (Bidebarrieta 4, Areeta), 920 euro (Algortako Etorbidea 104, Algorta) eta 511 euro (Maidagan 59, Getxo), hurrenez hurren. Argazkian, Jose Antonio Agirre euskaltegia / © Getxo.net.