Basagoiti Etorbideko etxe zahar batek su hartu du Algortan

Algortako Basagoiti Etorbideko etxe zahar batek su hartu du, iluntzeko zazpiak aldera, oraindik ezagutzen ez diren arrazoiengatik. Getxoko Udaltzaingoaren arabera, eskale bat bizi ohi da Etxe Arrosa edo Etxe Sorginduaren ondoko eraikinean, baina sutea piztu denean ez zegoen bertan. Tokiko poliziak, Ertzaintza, osasun zerbitzuak eta suhiltzaileak joan dira jazoeraren tokira, eta badaezpada alboko eraikinetako lagunak aterarazi dituzte. Errepidea ere moztu behar izan dute. Gauzak horrela, ez da zauriturik egon. Suhiltzaileek sutea amatatu dute. Etxea bota beharko dutela ziurtzat jo dute. Argazkian, suhiltzaileak artxiboko irudian.