Euskalmet Euskal Meteorologia Agentziaren arabera, baliteke metro koadroko 60 litroko prezipitazioa pilatzea gaur. Hori dela eta, abisu horia ezarri dute. Astearte honetan zaparrada mardulak izango ditugu protagonista, kantaurialdean bereziki. Gainera, ipar-mendebaldeko haizea bizi ibiliko da. Bihar, asteazkena, eguraldiak hobera egingo du egunak aurrera egin ahala. Arratsalde aldera atertuz joango da eta barnealdean giroa argiagoa izango da. Tenperaturek aurreko egunekoari eutsiko diote. Ostegunean, giro eguzkitsua gailenduko da. Behe-lainoarekin eta hodei hondarrekin hasiko dugu eguna, baina garbituz joango da eta ondoren zeruak oskarbi ikusiko ditugu. Tenperaturak koska pare bat gora egingo du eta eguneko altuenak 13-17 ºC artean kokatuko dira. Argazkian, hiru neska aterki azpian, artxiboko irudian.
Astebururako joerak dioenez, larunbatean giro egonkorra izango dugu hizpide. Eguzkia tartean ikusiko dugu baina iganderako, berriz, fronte berri bat sartuko da eta tenperaturek behera egingo dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun