Kepa Junkeraren musikak lagundutako dantza-antzezlana gaur Leioan
2014ko abe. 12a, 12:53
Organik dantza-antzerki konpainiak "Txapeldun" dantza ikuskizuna eskainiko du gaur, ostirala, Kultur Leioan. Natalia Monge algortarrak Eneko Balerdiren bakarkako saioa zuzenduko du eta, horretarako, luxuzko kolaboratzaileak izango ditu, tokiko iturriek nabarmendu dutenez. Antzerkigintzan Valentziako El Pont Flotant taldea eta Kepa Junkera musikari ospetsuaren arteko lankidetzak euskal sustraien azterketan sakontzen duen lan honi freskotasun dosi estra ematen dio. Hamar urteko ibilbidearen ondoren, Organik dantza-soloa aurkeztuko du, motor gisa mugimendua, jatorrizko musika, hitza eta humorea, aldi berean bere lanen guztien identifikazio elementuak ere badirenak. Mugimendua oinarri izanda, musika, testu apropos eta umorea barne, berritasuna eta tradizioa uztartzen dituen ikuskizuna. Saioa 20:30ean izango da eta sarrera bakoitzak 12 euro balio du. Argazkian, Natalia Monge "Carneros" antzezlanean / © Getxoko Udala.Bestalde, Gabon hauetan, txikienek Gabonetako Arte Eszenikoen XVII. Erakustaldiaz gozatu ahal izango dute, abenduaren 26tik 30era bitartean. Diziplina asko izango dira ikusgai bertan: txotxongiloak, multimedia, dantza… 18:00etan izango dira emanaldi guztiak, Glu Glu, Engruna Teatre eta Zum Zum Teatre bezalako konpainien eskutik. Horrez gain, zirkua izango da protagonista azken egunetan, La Güasa Circo Teatro eta Monkey Style Cie konpainien lanei esker.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun