Jauzi Ekosoziala, Ekologistak Martxan eta Euskal Gune Ekosozialista talde ekologistek baieztatu dute alternatiba ekosoziala posiblea eta gainera "ezinbestekoa" dela sistema aldatzeko: "Enpleguaren defentsa eta ekoizpen iraunkorraren defentsa bateragarriak izateaz gain, biak beharrezkoak direla erakusten du, eta, beraz, maila lokaletik globalera elkarlanean bat egin behar dutela".
Gainera, adierazi dute Mecanerren itxierari aurre egiteko gizarte osoa batzea beharrezkoa dela: "Eskualdeko langileen, ekologisten eta gizarte-mugimendu eraldatzaileen arteko jarrera komun eta partekatuak bakarrik geldiaraz dezake enpleguaren eta gure gainerako bizi-baldintzen suntsiketa, gaur egun Mecanerri eragiten diona, baina mehatxua gizarte osora hedatzen dena".
Horregatik, talde ekologistek beharginen ekimenak babesteko deia egin dute, martxoaren 2an Urdulizen langileek egingo duten manifestaziorako gonbita eginez herritar eta eragile-sozial guztieti: "Egin dezagun guztion artean fabrika honetan hasitako esperientzia ekosoziala, etorkizuneko gure bizitzak hobetzeko laborategi bat".
