Besteak beste, honako uribekostarrak dira hautagai: EAJn, Iñigo Iturrate algortarra izango da zerrendaren bigarrena; eta Imanol Landa Getxoko alkatea, 17.a.
PSE-EEn, Idoia Mendia Barrikako zinegotzi ohia lehendakarigaia izango da; Carmen Diaz Erandioko zinegotzi ohia 9. postuan doa; 15.a da Aitana Lopez Hernandez Bizkaiko Gazteria Sozialisten batzordekide astrabuduarra; eta Isabel Celaa Areetako legebiltzarkide ohia, zerrenda ixten doa.
EH Bildun, Leire Pinedo legebiltzarkide sopeloztarra doa 5. postuan; Paul Laka gazte algortarra eta Laura Mintegi idazle eta lehendakarigai ohi algortarrak itxiko du zerrenda.
PPn, Xabier Olabarrieta legebiltzarkide eta zinegotzi leioaztarra izango da 4.a; atzean Javier Ruiz zinegotzi getxoztarra eta Bizkaiko PPren idazkari nagusia dago zerrendan; 10. postuan Iñaki Gamero zinegotzi getxoztarra doa; 13. lekuan aurkeztu da Marisa Arrue Getxoko PPren buruzagi ohia; azkenik, Carlos Iturgaizek popularren zerrenda itxiko du.
Kontuak hala, 15 hautagaitza izango dira bozkagai: EAJ, PSE-EE, EH Bildu, PP, Partido Humanista, Euskal Komunistak - PCPE, Pacma, Ongi Etorri, Aulki Zuriak, Ciudadanos, Ganemos Irabazi, Recortes Cero-Grupo Verde, Elkarrekin Podemos (Ahal Dugu, Ezker Anitza eta Equoren koalizioa), Partido Familia Y Vida eta Partido Libertario.