Larunbata, otsailak 17

10:00

Abran hegaztiak begiratzeko urteko lehen jarduera egingo dute zapatuan La Bola hondartza ondoko pasealekuan

Beste behin, hegaztiak ezagutzeko beste jarduera bat egingo dute La Bola hondartza ondoko pasealekuan. Oraingoan zapatuan izango da, hilaren 17an, Udalak antolatuta eta “Getxonatura, ezagutu eta zaindu” goiburuko ekimenaren barruan. Helburua da jendeari erakustea zer hegazti espeziek baliatzen duten Abra babesteko, elikatzeko eta migrazioan atseden hartzeko leku gisa.

12:00

Plentziako XV. Inauteri tematikoa

Jai-batzordeak antolatuko dituen Plentziako XV. Inauteri Tematikoak otsailaren 17an ospatuko dituzte. Egun horretarako egitarau oparoa ere prestatu dute eguerditik iluntzera.

17:30

Walking football modalitateko txapelketa jokatuko dute zapatuan Berangon

Zapatuan, hilaren 17an, Berango, Ibarreko, Plentzia eta Portobello taldeek indarrak neurtuko dituzte walking football modalitateko txapelketan. Lehia 17:30ean hasiko da, eta 20:15ean egingo dute sari-banaketa.

20:00

13:30

21. Getxoarte

Getxoarteren eskutik itzuliko da udalerrira arte garaikideekiko hitzordua, otsailaren 2tik martxoaren 10era. Programaren 21. edizio honetan, ohi bezala,  jarduera eta tokiko sorkuntza sustatu gura dira. Getxoartek askotariko jarduerak hartuko ditu Romo Kultur Etxean eta beste leku batzuetan; horietan, besteak beste, erakusketak, hitzaldiak, tailerrak eta topaketak izango dira. Horregaz guztiagaz batera, «Artista bat auzoan» ekimenaren edizio berri bat egingo dute aldez aurretik. Horren bitartez, tokiko zortzi sortzaileren sormen prozesuak zabalduko dituzte, urtarrilaren 31ra bitartean Getxo Kulturako sare sozialetan argitaratuko diren bideoen bidez. 

10:00

13:30

Inauterietan txonbo egingo du Uribe Kostak egunotan!

Uribe Kosta osoa murgilduko da egunotan mozorroen festan; aste-akabu honetan hasiko dira parrandan goiztiarrenak, baina hurrengoan ere gozatzeko aukera egongo da ere beste hainbat lekutan. Askotariko disfrazak ikusi ahal izango dira, beraz, herriz herri eta egunez egun, baina, besteak beste, jantzi tradizionalak ikusteko parada egongo da baita ere, otsailaren 18an, Berangon izango den maskaradagaz. Hona hemen inauterietarako egitarauak, herriz herri.

21:00

13:00

Barikutik domekara ospatuko dituzte inauteriak Berangon

Gainontzeko udalerrietan legez, inauterietan murgilduko dira egunotan Berangoko auzokideak ere. Barikuan emango diote hasiera jaiari, iluntzeko 21:00etatik aurrera, 70-80-90 hamarkadetako musikagaz. Hala ere, egun handia zapatuan izango da, herritarrak kalejiran aterako baitira 18:00etan, besteak beste. Hurrengo astean, hilaren 18an, aldiz, Otxandategi dantza-taldekoek maskarada tradizionala egingo dute.

11:00

14:30

Getxoko inauteriak

Otsailaren bigarren aste-akabuan murgiltzear gaude eta, horregaz batera, mozorroen festan ere. Getxoko Andra Mari eta Itzubaltzeta/Romoko auzoak izango dira mozorrotzen aurrenekoak; lehenengoak, Donostiako danborrada izango dute gaitzat, bigarrenak, aldiz, bilauak. Algortan, berriz, hurrengo aste-akabuan egingo dute txonbo inauterietan, eta lanbideez mozorrotuko dira.

16:45

19:45

Antsietatea maneiatzen ikasteko ikastaroa egingo dute Urdulizen, emakumeei zuzenduta

Otsailetik apirilera 10 sesio egingo dituzte antsietatea kudeatzen ikasteko Urdulizko Kultur Etxean, martitzenero, 16:45etik 19:45era. Antsietatea edo depresioa jasaten duten emakumeei zuzenduta dago, baita zeharka egoera hori bizi duten senitartekoei ere. Hala, izen-ematea otsailaren 5era arte eman daiteke prebentzioa@uribekosta.eus helbidean edota 688 699 454 eta 946 859 611 zenbakietan. Helburua da emakumeen bizitzan ondo sentiarazten dituzten faktoreak eraikitzen laguntzea, hala nola autonomia osasun mentalaren kudeaketan eta autozaintza eta ahalduntzea sustatzea psikofarmakoen erabileraren ordez.