Gizonezkoetan, Imanol Yeregi zumaiarrak berdindu zuen Sanchezen egitandia, berak ere irabazi baitzituen Mundakako proba eta Euskal Herriko Surf Zirkuitua. Denera 21 gizonezkok eta lau emakumezkok parte hartu zuten zirkuituaren laugarren eta azken proban. Euskal Herriko Surf Federazioak adierazi duenez, proban olatu "ikaragarriak" izan zituzten, eta surflari denek "sekulako maila" erakutsi zuten.
Emakumezkoen finalean, 3 metroko olatuetan borrokatu behar izan zuten lau finalistek. Uretaratu aurretik, zirkuituaren sailkapenean, Janire Gonzalez-Etxebarria liderraren eta Garazi Sanchez bigarrenaren arteko distantzia 25 puntukoa zen. Halere, getxoztarrak ez zuen arazorik izan probako lehen postua lortu eta 1.000 puntu ziurtatzeko. Peña Txuri taldeko Sara Urresti sopeloztarra 7. geratu da sailkapenean, Ainara Aymategaz berdinduta.
Gizonezkoen finalean, Imanol Yeregi zumaiarra indartsu heldu zen. Haregaz batera Andy Criere eta Ethan Egiguren sailkatu ziren. Hain zuzen ere, Hodeik Collazo finalaurrekoan galduta, finala lehiatzeko aukera barik geratu zen, eta ondorioz, Yeregirentzat izan zen lehen postua.
