Jendartea  Getxo 2017-03-08 17:40

Berdintasuna lortzeko konpromisoez gainera, neurri zehatzak behar direla uste du Getxoko EH Bilduk

Getxoko EH Bilduk ez du bat egin Emakumeen Nazioarteko Egunaren harira Udaleko Bozeramaleen Batzordeak aurkeztutako adierazpen instituzionalagaz. Bozketan abstenitu egin da, GUK taldeagaz batera. Koalizio abertzaleak deitoratu duenez, "ezin dena da urte osoan egiten ez dena aldarrikatzea". Era berean, aldarrikatu dute martxoaren 8a borroka feministaren egun "adierazgarria" dela.

Berdintasuna lortzeko konpromisoez gainera, neurri zehatzak behar direla uste du Getxoko EH Bilduk
Martxoaren 8ko manifestazioa Algortan, artxiboko irudian. | Ikusi handiago | Argazki originala

Koalizio abertzaleak gogoratu duenez, Getxorako Berdintasun Plan bat osatu eta onartu egin da. Hala ere, politika horiek "arlo guztietara" hedatzeko beharra plazaratu du. "Eskasak dira berdintasunetik harago beste arloetan lantzen diren politika feministak; hau da, planak ez dauka zeharkako izaera irmorik gaur egungo Udalaren politiketan", deitoratu du.

Gaur goizean Bozeramaileen Batzordeak onartutako adierazpenak 8 konpromiso jasotzen dira, oinarrizkoak direnak. Baina, koalizio abertzaleak jakinarazi duenez, "zoritxarrez ez da aurreikusten horiek garatzeko neurri konkreturik". Hori dela eta, neurri zehatzak hartu behar direla aldarrikatu eta proposamenaren bozketan abstenitu egin da EH Bildu, "ez delako nahikoa, eta gaur inoiz baino nekatuago gaude ondo geratzeko adierazpenak entzuteaz. Adierazpenetatik haragoko ekintzak nahi eta behar ditugu".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa