Gazteok  Getxo 2017-04-19 15:23

Manifestazioa egingo du Itzubaltzeta gaztetxeak, 20:00etan

"Oztopo guztien gainetik Itzubaltzeta gaztetxeak aurrera darrai": horrela azaldu du egoera gazte-eragile horren asanbladak, Errekagane kaleko Itzubaltzeta II gaztetxea kiskalita geratu ostean. Hala, gaur 20:00etarako, "Itzubaltzeta aurrera!" goiburupeko manifestazioa antolatu dute, Itzubaltzeta/Romoko Santa Eugenia plazatik.

Manifestazioa egingo du Itzubaltzeta gaztetxeak, 20:00etan
Gaur goizeko sutea. © ITZUBALTZETA GAZTETXEA | Ikusi handiago | Argazki originala

Itzubaltzeta gaztetxearen asanbladak kaleratutako oharra

Gaur goizean Itzubaltzeta/Romoko herria berri txar batekin esnatu da. Hamabi urtez zutik egondako gaztetxea ke beltzez estalia eta eraitsia izan da. Sarritan, horren beldur izan gara eta horrela adierazi diegu bai Udalari baita udaltzaingoari ere: zenbait pertsona bertara sartu eta utzitako materiala lapurtu digute, gaztetxea barrutik suntsitu dute, orain dela hilabete batzuk gertatutako sutea... Baina, gaurkoa ez genuen espero.

Gutxi gelditzen zen hitzarmena sinatzeko udalarekin eta gutxi ere, gaztetxearen obrak hasteko. Guzti horrek asko lasaitzen gintuen argi geneukalako gaztetxeak biziraungo zuela eta ikusten genituen arrisku guztiak desagertuko zirela. Momentu honetan, ez dakigu guzti honek aurrera nola egingo duen, baina, gazteok argi daukagu: Itzubaltzeta Gaztetxeak bizirik jarraituko du!

Gauzak horrela, Itzubaltzeta/Romoko herriari erantzutea dagokio, bereziki azkeneko urte hauetan gaztetxearen aldeko giltza hartu dugun gazteoi. Hori dela eta, gaur 20:00etan Santa Eugenia plazatik hasiko den manifestaziora etortzeko deia luzatzen dizuegu. Oztopo guztien gainetik Itzubaltzeta Gaztetxeak aurrera darrai!

Giltza giltzarri iraultza mugarri! #ItzubaltzetaAurrera!!!

2017/04/19 20:00

Santa Eugenia plaza | Getxo

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa