Ostirala, martxoak 22

17:00

Umeentzako antzerkia: "Papogorri"

Baso baten erdian, oso haserre dagoen txori baten abestia entzuten da: Papogorri oso haserre da ! Norbaitek arrautza erraldoi bat jarri berri du bere kabian. Basoko bidea hartzen du egilea aurkitzeko! Bere ondoko auzoak ezagutuko ditu, aurkituko ote du erruduna? Antolatzaileak: Altzaga ikastola eta udaleko euskara zerbitzua.

18:00

Berbaldia: "Hondoratutako itsasontzien espedizioan parte hartu zuten urpekariak"

Plasentia de Butron museoak antolatua.

18:00

Hitzaldia: "Amatasunaren bidaia eta eskutik doazen aldaketa"

Hizlaria: Maria Ferreras (Psikologo integrala eta erlazio sistemikoa) Plaza mugatuak, izen-emateak Goñi Portalera deituz: 946 775 541

20:00

'Hau ez da gerra bat' euskarazko antzezlana taularatuko dute bariku honetan Sopelan

Thusia eta Piszifaktoria Ideien Laborategia konpainia arabarrek sortutako Hau ez da gerra bat antzezlana Sopelako Kurtzio kultur etxera helduko da bariku honetan, martxoaren 22an, arrastiko 20:00etan. Hala, minaren inguruan "gordintasun osoz" hitz egingo dute pieza honetan, minaren erroen bila egindako arkeologia-lan gisa deskribatzen baitute sortzaileek. Sarrerak leihatilan bertan erosi ahal izango dira edo, bestela, aurretik, webgunean.

20:30

Musika: Joshua Edelman & Xabi Arakama

Traditions & Tradizioak Euskaditik, Europako beste leku batzuetatik, Estatu Batuetatik eta Karibetik etorritako hainbat musika-kulturen arteko topaketa da. Mestizaje-giro zoragarria sortzen dute agertokian jazzak, bluesak, euskal folkloreak, perkusio afrokubatarrak eta beste latitude batzuetako erritmoek, hain modu naturalean, non islatu ahal izango duzun musika komunikaziorako, ideiak trukatzeko eta pertsonen, hizkuntzen, kulturen eta herrialdeen arteko konexiorako benetako bitarteko alternatiboa delako sentsazioa. Hizkuntzak musikarekin nahasten dira, eta, errespetutik eta enpatiatik abiatuta, kultura- eta ulermen-zubi berriak sortzen laguntzeko beharrari buruz hitz egiten dute. Ezberdinen arteko elkarrizketa emankorra gertatzen dela sentituko duzu, eta musika herrialde baten espirituaren bilakaeraren isla bizi gisa pentsatzera gonbidatuko zaitu. Energia kutsakorrez eta inspiratzen duten soinuez beteriko esperientzia alaia, familiarra eta hunkigarria biziko duzu. ABESLARIAK: Joshua Edelman (pianoa, zuzendaritza), Xabi Arakama (trikitixa, ahotsa), Imanol Intxausti (trikitixa, ahotsa), Iñaki Larrañaga (ahotsa, panderoa), Ander García (kontrabaxua), Lara Sagastizabal (ahotsa), Fabián Reyes (kongak), Julen Edelman (kontrabaxua, pianoa, aho­tsa), Ander Edelman (kontrabaxua, pianoa, ahotsa), Cristina Santolaria (ekoizpena, sorkuntza kulturala).

16:45

19:45

Antsietatea maneiatzen ikasteko ikastaroa egingo dute Urdulizen, emakumeei zuzenduta

Otsailetik apirilera 10 sesio egingo dituzte antsietatea kudeatzen ikasteko Urdulizko Kultur Etxean, martitzenero, 16:45etik 19:45era. Antsietatea edo depresioa jasaten duten emakumeei zuzenduta dago, baita zeharka egoera hori bizi duten senitartekoei ere. Hala, izen-ematea otsailaren 5era arte eman daiteke prebentzioa@uribekosta.eus helbidean edota 688 699 454 eta 946 859 611 zenbakietan. Helburua da emakumeen bizitzan ondo sentiarazten dituzten faktoreak eraikitzen laguntzea, hala nola autonomia osasun mentalaren kudeaketan eta autozaintza eta ahalduntzea sustatzea psikofarmakoen erabileraren ordez.

10:00

20:00

Erakusketa: "Kantabria; burdina, gatza eta isiltasuna"

Bizkaiko golkoan hondoratuta dauden hainbat itsasontziri urpekariek ateratako argazkien bilduma ikusgarria.

09:00

18:00

Badator Korrika Uribe Kostara!

Martxoaren 21ean, eguenean, igaroko da Korrikaren 23. edizioa Uribe Kostatik: Lemoizko Andrakatik sartuko da, eta Erandiogoikotik joan; ibilbidea eta ordutegiak, hemen daude ikusgai. Oraingo honetan, goizaldeko lehenengo orduan hartuko dute lemoiztarrek lekukoa, 05:24ak aldera, eta eskualdea alderik alde zeharkatuko du, 09:54ak ingurura arte. 23. Korrika gurera iritsi bitartean, Uribe Kostako AEKk eta euskalgintzako hainbat eragilek. Hona hemen egunotarako antolatutako ekintzak.

10:00

20:00

Erakusketa: "Erandioko bizilagunak musikan"

“Erandioko bizilagunak musikan” izenpean hogeita hamar argazki inguru erakutsiko dira, zeinetan hainbat auzokide eta bazkide ikusi ahal izango diren haiek parte hartu duten musika ekitaldi ezberdinetan. Pellón Canok eta José Luis Fernándezek lagundutako argazki fisikoez gain, Track Uno-ko beste bazkideek egindako beste argazki batzuk ere ikus daitezke formatu digitalean.  

10:00

20:00

Felix Lararen erakusketa: "Momentos VI"

Felix Larekiren “Momentos VI” erakusketa hogeita sei lanek osatzen dute. Hiri-pintura, argia eta inguruko kontrasteak eta itsasoaren edertasuna dira erakusketa honen hiru zio nagusiak, eta asmoa du egilearen obraren lan adierazgarrienen aukeraketa bat erakustea bisitariari. Felix Larekik, artista sor­tzaile eta polifazetikoak, bere “Realismo expresionista” obraren aukeraketa bat erakusten du “Momentos VI” lanean, eta nagusiki naturarekiko, espazio irekiekiko eta itsasoarekiko maitasuna islatzen du. Kutsu hiperrealista nabarmena dute hiri-pinturako paisaia batzuk.