Politika 2003-12-22 18:28

'Terrorismoaren biktimak oroitzeko' adostasuna lortu nahi du Udal Gobernuak

Erabiltzailearen aurpegia Ukberri "Terrorismoak eragindako biktima guztiak oroitzeko", Getxoko Udalak ordezkaritza daukaten alderdi guztien arteko adostasuna lortzen saiatuko da, hiru hilabeteko epean, Bozeramaleen Batzordeak. Hori lortzeko asmoa adierazi zuen Iñaki Zarraoa alkateak, abenduaren 19ko osoko bilkuran, ETAk hildako 15 lagun Getxoko semetzakoak egitea proposatzen zuen PPren mozioa bertan behera gelditu ostean. Gobernu Taldea osatzen duten EAJ, EA eta IU-EB alderdiek popularren eskaeraren aurka agertu ziren.
  Iritzia 2003-12-21 21:13

Euskaldun berri zaharraren teoria - Xabier Paya Ruiz / bertsolaria

Erabiltzailearen aurpegia Ukberri Hilabete da azken artikulua idatzi nuenetik eta ez dira hirurogei izango webgune honetan azaldu direnak. Ikusi dudanaren arabera, bakoitzak oso gertuko zaion gairen bat hautatzen du bi mila kolpekadako letra sopa idazteko. Webguneak testu irakurriena zein izan den erakusten du ere, irakurleen zaletasunaren berri ematen diguna. Gauzak horrela, nirea asmoa ez da testu irakurrienaren txokoa nireganatzea, nire txokoan irakurriena den hori zuenganatzea baizik.
  Iritzia 2003-12-20 21:56

Droga bigunak legalizatu beharko lirateke

Erabiltzailearen aurpegia Ukberri Aste honetan pil-pilean dagoen gai bat jorratuko dugu: droga bigunak, cannabis eta 'maria'. Nire iritzian, legalizatu beharko lituzkete era terapeutikoan erabili ahal izateko, ACV, minbizia edo miokardio infartoa duten gaixoek. Ikerketa askoren arabera, Hegoamerikako biztanleen bizi itxaropena ehun urtera arte luzatzen da, neurri batean, drogak legalizatuta daudelako eta biztanleen %80a kontsumitzailea delako. Holandan ere legalizatuta daude eta 'coffee-shop'-etan saltzen dituzte. Hemen legalizazioaren alde egin beharko genuke eta medikuek errezetatu egin beharko lituzkete, eta botiketan saldu. Arrazoi guzti hauengatik, droga bigunak kontsumitu ahal izatea legala izan beharko litzateke, kontrolpean noski eta ez gazteriak egiten duen moduan. Hobe da jende osasuntsua drogazale hilak baino.
  Politika 2003-12-19 22:15

2003ko abenduko udal batzarra

Erabiltzailearen aurpegia Ukberri Duela aste batzuk eta Mora andereari erantzunez, Zarraoa alkateak Getxo Biziako ordezkariok hitz hau edo beste erabiltzea adierazpen askatasunaren baitako zerbait bezala ulertzen zuela, adierazi zuen. Modu bitxia hala ere, adierazpen askatasuna ulertzeko eta praktikan jartzekoa Getxoko alkatearena: Gure hitzak ez dira besteenak bezala ez aktetan ez web orrialdeko grabaketetan agertzen, udal politikaz egiten ditugun hausnarketak eta ekarpenak ez dira Getxoberrin isladatzen, herritarrek euren naziotasuna adierazi dezaten lokal publikoen erabilera ukatu egiten da, idatziz egiten ditugun eskaerak ez dira idatziz erantzuten eta hilero hilero ikusten ari garen bezala, egiten dizkiogun ahozko galdera eta eskakizunen aurrean alkatea mutu geratzen da.
  Kultura 2003-12-19 21:55

Gabon-kanta kontzertua emango du bihar Erromon Ondarreta Abesbatzak

Erabiltzailearen aurpegia Ukberri Ondarreta Abesbatzak gabon-kanta tradizionalak eta beste ezezagunago batzuk bilduko dituen kontzertu bat emango du bihar, Erromoko San Jose elizan, arratsaldeko 20:15etik aurrera. Sarrera dohainik izango da, Getxoko Kultur Etxeak jakinarazi duenez.
  Kultura 2003-12-19 21:50

Getxolandiak bihar irekiko ditu ateak

Erabiltzailearen aurpegia Ukberri Getxolandia haurrentzako parkeak bihar irekiko ditu ateak. XVII. edizioan, jolasek, tailerrek eta ludotekak 7.500 metro karratutik gorako azalera hartuko dute Areetako Geltokiko Plazan, ondoko aparkalekuan eta Ibaiondo kalean kokatuko den karpan, Getxoko Kultur Etxeak gaur jakinarazi duenez.
  Jendartea 2003-12-19 21:40

Elkarte eta Pertsona Boluntarioen Sariak banatu dituzte

Erabiltzailearen aurpegia Ukberri FEGEBOL Getxoko Boluntariotza Erakundeen Federazioak eta Carlos Aranak, Getxoko Parkinson Elkartekoa, Urteko Elkarte eta Pertsona Boluntarioen Sariak jaso dituzte hurrenez-hurren. Honako sariak duela hamar urte banatzen dituzte Getxoko boluntariotza erakundeek, iaz Federazioan osatuta.
  Jendartea 2003-12-19 21:34

Getxoko lehenengo Gazte Plana onartu da

Erabiltzailearen aurpegia Ukberri Getxoko lehenengo Gazte Plana onartu du Udal Osoko Bilkurak EAJ, EA, IU-EB eta PSE-EE alderdiek emandako botoekin. PP abstenitu egin da. Udalerriko gazteriak dituen arazoei irtenbidea bilatzeko ardatzak ezartzen ditu egitasmoak.

Gazte Planak arlo ezberdinak jorratu eta 152 ekimen estrategiko hartzen ditu, hala nola, Enplegua, Etxebizitza, Hezkuntza eta Trebakuntza, Aisialdi eta Kultura eta Osasuna arloei dagozkienak. Ekimen horien bidez, herriko gazteei erantzunak eta irtenbideak eman nahi dizkiete, etorkizunera begira.
  Politika 2003-12-19 21:07

Zigor gehiago Algortako gazteen aurka

Erabiltzailearen aurpegia Ukberri Bilboko Penaleko epaileak sei hilabeteko espetxe zigorra ezarri die Kepa Saratxaga, Endika Lejarzegi, Aimar eta Iera Algortako gazteei, PPko zinegotzi Marisa Arrueri 2000ko maiatzaren hauteskunde kanpainan presoen aldeko oihuak egiteagatik
  Politika 2003-12-19 21:05

22 urteko espetxe zigorra eskaera Ertzaintzaren muntaia eskandalagarrian

Erabiltzailearen aurpegia Ukberri Fiskalak 22na urteko espetxe zigorra eskatu ditu Kepa Saratxaga, Arkaitz Goikoetxea eta Endika Lejarzegi Algortako preso politikoentzat Ertzaintzaren muntaia polizial eskandalagarri batean.

Madrileko Audientzia Nazionaleko Fiskalak 1999ko Gabonzahar goizaldeko 01:45ean Galdakao Guardia Zibilaren kuartelaren aurka egindako kale-burruka erasoan parte hartzea leporatzen die Kepa, Arkaitz eta Endikarekin batera beste 8 gazteri ere. Beste gazte horiek, bat Bilbokoa da, beste bat Durangokoa eta gainerakoak Galdakaokoak.

Horretarako, akusazioa Ertzaintzak atxilotutako horietako gazte batzuei komisarian sinarazitako deklarazioetan oinarritzen da besterik gabe. Komisarian sinatutakoa gero ukatu egin zuten epailearen aurrean deklarazioa egitera eraman zituztenean, torturaz sinarazi zizkietela esan zuten eta dena Ertzaintzaren muntaia poliziala zela salatu. Poliziaren "deklarazio" horiez gain ez dago inolako akusazio elementurik, ez ADN frogarik, ez eta aztarna txikienik ere.
  Jendartea 2003-12-18 20:24

Udalerriko informazio turistikoari buruzko gida eta liburuxka berriak

Erabiltzailearen aurpegia Ukberri Getxoko Udalak Getxoko Udal Turismo Bulegoak eskaintzen dituen zerbitzuei buruzko hiru informazio giden diseinua, maketazioa eta inprimaketa esleitu ditu, 18.554 euroko gehienezko zenbatekoan.

Horietako bat, hiriko gida izango da. 20-24 orri izango ditu eta udalerriari buruzko informazioa eskainiko du, tartean historia, azpimarratu beharreko elementuak eta abar. Hiru hizkuntzetan argitaratuko da: gazteleraz, euskaraz eta ingelesez. 16.700 ale aterako dituzte.

Bestalde, Turismo Bulegoak eskaintzen dituen zerbitzuei buruzko informazioa triptiko baten bitartez eskainiko dute, euskaraz eta gazteleraz alde batetik, eta frantsesez eta ingelesez bestetik. Azkenik, Turismo Bulegoan bertan eros daitekeen materialaren gida ere kaleratuko da.
  Politika 2003-12-18 19:18

Udalbiltzari buruz, EAEko Auzitegi Nagusiaren epaia betetzeko eskatuko du PPk

Erabiltzailearen aurpegia Ukberri EAEko justizi auzitegi nagusiak agindutakoa beteko duen, galdetuko dio biharko udalbatzarrean Iñaki Zarraoa alkateari, Marisa Arrue Getxoko PPko bozeramaleak. Joan den astean ezagutu zen sententziaren arabera, bertan behera gelditu dira Udalak 2000an onartu zituen Udalbiltzara zuzendutako dirulaguntzak.
  Jendartea 2003-12-17 22:35

Hirigunean kotxeen abiadura kontrolatuko dute radar bidez, urtarriletik aurrera

Erabiltzailearen aurpegia Ukberri Datorren urtearen hasieran, hirigunetik joaten diren ibilgailuen abiadura kontrolatzeko radarra jarriko du martxan Getxoko Udalak. 66.000 euroko gastua suposatu du sistema berri honek eta “istripuak ekiditzeaz gain, oinezkoei herri barruan lasaitasun handiagoa ematea eta kutsadura murriztea ere du helburu", Iñaki Zarraoa Getxoko alkateak azaldu duenez.
  Kultura 2003-12-16 22:15

Ostiralean izango den 'Berria'ren aldeko kontzerturako sarrerak salgai

Erabiltzailearen aurpegia Ukberri Abenduaren 19an, Getxo Antzokian, kantu emonaldi bat antolatu dute 'Berria' egunkariaren aldeko Getxoko herri batzordekoek, eta bertan Biotz Alai abesbatza, Olatz Gorrotxategi sopranoa eta Maitane Abasolo piano-jotzailea izango dira. Ekitaldi hau arratsaldeko 20.00etan izango da, eta sarrerak Getxoko Kultur Etxean (Villamonte), zein TELEKAn daude salgai hilaren 9tik aurrera.
  Politika 2003-12-16 21:58

Iruñearako autobusak jarri dituzte Algortatik

Erabiltzailearen aurpegia Ukberri Euskal Herriak Bere Eskola taldeak hezkuntza sistema propioaren alde abenduaren 20an, larunbatean, Iruñean egingo den manifestaziora joateko, autobusak antolatu dituzte Algortan. Besteak beste, 635 206 825 telefono zenbakira deituz edota Gorrondatxe herriko tabernan eta Gestorasen dago izena emateko aukera. 15:00etan, Villamontetik abiatuko da autobusa.
  Kultura 2003-12-16 18:36

'Esanak Esan!' Algortako musika talde gazteon diska

Erabiltzailearen aurpegia Ukberri Hemen dago jada 'Esanak Esan!', Algortako gazte asanbladak argitaraturiko herriko taldeen diskoa. Arazo eta oztopo ugariren ostean kalean dago. Borrokaz, desadostazunez eta sentimenduz beteriko 19 abesti aurkituko dituzue 'Esanak Esan!' diskoan. Gazteok gazteontzat eginiko diskoa, grabaketatik banaketara arte. Abestiak ere horrelakoak dira: gazteak, errebeldeak, iraultzaileak... gai ezberdinak jorratzen dituzte gazteek, hala nola, okupazioa, inperialismoa, eskubideen urraketa, indar errepresiboak, politikariak, barne sentimenduak, pasibitatea,... oro har sistema usteldu honek gazteongan sortzen dituen arazoak eta kezkak.
  Iritzia 2003-12-15 23:34

Komikizaleok, batu! - Iñigo Fernandez de Martikorena / EHEko kidea

Erabiltzailearen aurpegia Ukberri Norbaitek pentsa dezake goiko titularra Marvel argitaletxe yankiaren 'The Avengers' komiki mitikoaren lelo mitikoagoaren kopia baino ez dela. Hemendik arrazoia eman behar diot egia esango badut: Olariagak 'Berria'ko azken orrialdetik post-Durango sindromeaz aritzen den moduan, ni atal txiki honetaz baliatuko naiz post-Getxo sindromeaz jarduteko.
  Jendartea 2003-12-15 23:33

Emakume baten gorpua aurkitu dute Punta Galeako arroketan

Erabiltzailearen aurpegia Ukberri Emakume baten gorpua atera du Punta Galeako arroketatik, arratsaldeko bostak aldera, Ertzaintzako helikoptero batek. Hildakoak, 25 eta 35 urte bitarteko neska, ez zuen identifikazio agiririk aldean. Hori dela eta, hiritarren laguntza eskatu dute nor den jakin ahal izateko.
  Iritzia 2003-12-13 21:53

Euskal Herriko jendeak gero eta interes handiagoa dauka kulturan

Erabiltzailearen aurpegia Ukberri Inazio Etxebarria 'Guzurti'

Pasa den astean, Durangoko Azoka ospatu zen., abenduaren 4tik 8ra. Lekua handia oso ondo egokitu zuten jende mordoa sar zedin. Soilik bi arazo aurkitu ditut: alde batetik, egun gutxi izan direla. 7 edo 10 egun izan beharko lirateke. Beste alde batetik, stand bat ipini beharko lukete musikariak elkarrizketatzeko, idazleekin egiten duten bezala. Amaitzeko, azoka honetan egiaztatu egin da Euskal Herriko jendeak gero eta gehiago irakurri ez ezik, interes handiagoa ere dutela kulturan.
  Iritzia 2003-12-13 21:53

Erosten dugun guztia irakurtzen dugu? - Nahikari Ayo / Bertsolaritza irakaslea

Erabiltzailearen aurpegia Ukberri Durangoko disko eta liburu azoka berriki amaitu da. Pasa den igandean ateak itxi zituen datorren urterarte. Aurten, inoiz baino jende gehiago ikusi dut, beno, urtero berdina esaten dut, baina euskaltzaleok erruz joaten gara Durangora.

Baina artikulu honen harira joango gara. Erosten dugun guztia irakurtzen dugu? Erderaz esaten den bezala “la pregunta del millón” izaten da urtero. Inoiz baino gehiago saldu omen da aurten, baina zer? Zer egiten dugu horrekin? Nire uste apalean, ezer ere ez. Niri ez dit balio esateak asko erosten dela. Jaun-andreok, irakurri dezagun, izugarrizko plazerra da eta!

Nabarmenak

Zorion agurrak