Igandea, martxoak 24

09:30

Txori eraztunketa saioa

Domekan, martxoak 24, Herri Bideak Kate Barik elkarteak hegaztien eraztunketa-prozesuari buruz hainbat argibide emateko jardunaldia antolatuko du. 09:30ean jarri dute hitzordua, Avanzada ondoko Aldi supermerkatuaren aparkalekuan, bertatik Astrabuduko hezegunera joateko.

10:30

Zabalik daude Sopelako 20. Herri Lasterketarako izen-emateak martxoaren 19ra arte

Herritarrak daborduko has daitezke prestatzen urtero ospatzen den Sopelako Herri lasterketarako. Martxoaren 24an egingo dute, goizeko 10:30etik aurrera. Hala, izen-ematea osatzeko, herritarrak webgune ofizialaren bidez erregistra daitezke martxoaren 19ra arte, hemen.

19:00

Anterkia: "Juntos y revueltos"

Gurutze Beitia eta Gorka Aginagalde hainbestetan igo dira agertokira ELKARREKIN, bien artean dagoen kimika besaulki-patiotik sumatzen dela eta barre algara berez sortzen dela. Oraingoan umorezko ikuskizun bat aurkeztuko digute, stand up comedy estiloko bakarrizketez osatutakoa; gizon komiko bat, emakume komiko bat eta publikoa. Ikuskizun honetan bakoitzak bere gauzez, ezagutzen duenaz, ikusten duenaz, sumatzen duenaz, komentatzen denaz, dakienaz, ideiarik ere ez duenaz... hitz egiten du, asko hitz egin ere. Eta ondorio batzuetara ere iristen dira. Une horretan bakarrizketa elkarrizketa bihurtzen da, bakoitzak gure iritziak ditugulako, baina hobe da iritzi horiek kontrastatzea, mahai gainean jartzea eta aztertzea, benetan nortzuk –gizonak ala emakumeak– dauden oker, edo nortzuk daukaten arrazoia ikusteko. Agian, bakoitzak bere bertsioa du eta guztiak dira baliozkoak. Entzun, pentsatu, hitz egin, eztabaidatu, dantzatu, abestu, oihukatu, negar egin. Baina barre egin, elkar ukitu, igurtzi, besarkatu, musu eman, elkar maitatu... Bizi! Ausartu!... baina NAHASTUTA. 

16:45

19:45

Antsietatea maneiatzen ikasteko ikastaroa egingo dute Urdulizen, emakumeei zuzenduta

Otsailetik apirilera 10 sesio egingo dituzte antsietatea kudeatzen ikasteko Urdulizko Kultur Etxean, martitzenero, 16:45etik 19:45era. Antsietatea edo depresioa jasaten duten emakumeei zuzenduta dago, baita zeharka egoera hori bizi duten senitartekoei ere. Hala, izen-ematea otsailaren 5era arte eman daiteke prebentzioa@uribekosta.eus helbidean edota 688 699 454 eta 946 859 611 zenbakietan. Helburua da emakumeen bizitzan ondo sentiarazten dituzten faktoreak eraikitzen laguntzea, hala nola autonomia osasun mentalaren kudeaketan eta autozaintza eta ahalduntzea sustatzea psikofarmakoen erabileraren ordez.

10:00

20:00

Erakusketa: "Kantabria; burdina, gatza eta isiltasuna"

Bizkaiko golkoan hondoratuta dauden hainbat itsasontziri urpekariek ateratako argazkien bilduma ikusgarria.

10:00

20:00

Erakusketa: "Erandioko bizilagunak musikan"

“Erandioko bizilagunak musikan” izenpean hogeita hamar argazki inguru erakutsiko dira, zeinetan hainbat auzokide eta bazkide ikusi ahal izango diren haiek parte hartu duten musika ekitaldi ezberdinetan. Pellón Canok eta José Luis Fernándezek lagundutako argazki fisikoez gain, Track Uno-ko beste bazkideek egindako beste argazki batzuk ere ikus daitezke formatu digitalean.  

10:00

20:00

Felix Lararen erakusketa: "Momentos VI"

Felix Larekiren “Momentos VI” erakusketa hogeita sei lanek osatzen dute. Hiri-pintura, argia eta inguruko kontrasteak eta itsasoaren edertasuna dira erakusketa honen hiru zio nagusiak, eta asmoa du egilearen obraren lan adierazgarrienen aukeraketa bat erakustea bisitariari. Felix Larekik, artista sor­tzaile eta polifazetikoak, bere “Realismo expresionista” obraren aukeraketa bat erakusten du “Momentos VI” lanean, eta nagusiki naturarekiko, espazio irekiekiko eta itsasoarekiko maitasuna islatzen du. Kutsu hiperrealista nabarmena dute hiri-pinturako paisaia batzuk.

08:00

21:00

Euskal Non-League Day

Athletic Clubek, Fundazioaren eskutik, II. Euskal Non-League Day jaia ospatuko dute martxoaren 23an eta 24an. Oinarri-futbolaren aldeko ekimen horretara Athleticegaz hitzarmena duten 170 klubak gonbidatu dituzte, eta daborduko 80tik gorak eman dute izena, tartean, Uribe Kostako 11 futbol-talde.