Barrikako EAJk aurrenekoz Tokiko Gobernu Batzordea eratu izana salatu du EH Bilduk, “bere ardurak eta eskumenak zehaztu barik, baina kide denentzako 120 euroko ordainarekin saio bakoitzeko”. Koalizio abertzaleak argitu duenez, horrelako batzordeak 5.000 biztanle baino gehiago dituzten herrietan dira soilik derrigorrezkoak; Barrikak 1.500 biztanle inguru ditu.
Hilaren 9an egindako udal batzarrean, EAJ eta Ibarrikaren aldeko botoei esker, Tokiko Gobernu Batzordea osatzea adostu zuten, baita hura osatuko duten kideak ere. EH Bilduk jakinarazi duenez, “alkateaz gain, beste hiru ordezkari egongo dira, hirurak ala hirurak alkateordeak izango direla, eta tartean, Ibarrikak duen zinegotzi bakarra dagoelarik”.
Egoera horren aurrean, alkate berriaren erabakia salatu du koalizio abertzaleak: “kudeaketa esku gutxi batzuetan monopolizatuko duen eredu baten alde egin nahi du EAJk”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
